[ SPD4459 -Taste the Local Food] 隱蔽的美食 － 好時沙嗲

隱蔽的美食 － 好時沙嗲

SPD4459 又帶你去搵好野食啦！！！！ 今次帶大家去食一間好隱蔽但好多人食既餐廳！就係好時沙嗲啦。。位於尖沙咀東部好時中心一樓144-148室！ 其實平時行過好時中心都冇乜點留意，原來入面有間好食既海南雞飯嫁！！ 大家快D跟著SPD4459一齊去睇下啦！！

SPD4459

門口隔離有得㩒飛，拎完坐係到等陣就得！ 都可以拎個餐牌睇下食乜先！

SPD4459

一入到去坐底，就知道呢到食乜出名嫁啦，就係串燒，海南雞飯，喇沙同咖哩啦！其實餐牌上面仲有好多野食嫁，不過因為太肚餓同太想食海南雞飯既關係，就唔得得左影啦！！ 不過大家記得食海南雞，串燒同喇沙就得！！ 因為SPD4459今次都有試過，唔錯嫁！！ 而家就俾大家睇下啦

SPD4459

呢個就係SPD4459想食既海南雞飯啦！！！油飯同雞都好足份量嫁，先講下碗湯先，湯呢都幾清甜嫁，而且係清清地既，好好飲，不過有D可惜既係湯唔係好熱，只係暖暖地，有D美中不足！而個飯呢真係好好食同好香啊，至於個雞都冇令我失望，除左好大碟之外，都超滑，食落D肉完全唔柴。。當然唔少得既係點雞既醬啦，醬呢有3種，黑色既呢就係甜甜既味道，綠色就似平時薑蓉FEEL嘅醬，黑色甜甜地，紅色既就係平時既酸辣醬。一次過可以食曬3種唔同既醬，真係好滿足啊！！！ 

SPD4459

SPD4459另外仲有叫左碟炒通菜，呢碟通菜都超超超好食。好夠獲氣嫁！有機會都一定要試下炒通菜啊

SPD4459

當然唔可以唔試呢到既串燒啦！！！ 今次SPD4459叫左豬牛雞各2串，串燒都唔會燒到好乾，食落都帶肉汁，而且最重要既係，個個串燒醬好好好好食啊！！好香既沙嗲味。大家黎呢到一定要試下啦！！！

有機會就去Taste下啦！！

好味指數︰★★★★★

CP值︰★★★★★

（Marcus)