平到你唔信既粉麵-潮成園
SPD4459 又帶你去搵好野食啦!!!! 相信大家平時都有食開粉麵嫁啦,唔知大家平時食開幾錢一碗呢? 不過最平都要25蚊喇掛!!!有冇試過用20蚊就食到碗好食既粉麵先?冇呢?等SPD4459 帶你去食碗20蚊都唔洗既粉麵啦!!
SPD4459
今次黎到既係旺角既潮成園,位於九龍旺角上海街491號地下。係門口既招牌就已經睇到SPD4459帶大家黎食既原因嫁啦!!全場粉麵18元起,係18蚊啊!!而家仲可以用中學既價錢去食到一碗粉麵,真係令人好感動!! 好啦,即刻帶大家睇下有咩好食!
SPD4459
其實選擇都唔少嫁!!同一般既粉麵店差唔多,當然唔會全部都18蚊啦,不過都有8樣係18蚊嫁!!多數係餃類同埋丸類。之於食開牛腩既朋友唔洗灰心!就算係牛腩麵都只不過係20蚊咋!!係咪好抵食呢? 簡直係窮人既恩物黎。
SPD4459
而今次趁一場黎到,當然要食最平最抵食既麵啦!我就選擇左魚皮餃麵黎食。雖然係18蚊,但都冇偷功減料嫁!!每一粒魚皮餃都好足餡嫁!雖然就只係得3粒魚皮餃,但其實都好大粒下嫁! 之於麵同湯底就同平時食開個D分別唔大。 所以18蚊一碗真係好抵食嫁!! 大家有興趣又係糧尾既時候記得黎試下啦!!
有機會就去Taste下啦!!
好味指數︰★★★★★
CP值︰★★★★★
(Marcus)
沒有留言:
張貼留言